Што е Toyota Relax?
Toyota Relax е програма за продолжување на гаранцијата на Toyota возилата до 10-тата година или до изминати 185.000 километри.
Кои возила се опфатени со оваа програма?
Со оваа програма се опфатени сите возила кај кои е истечена фабричката гаранција, имаат изминато помалку од 185.000 киломтери и не се постари од 10 години. Овие услови важат за сите возила купени во Македонија, но и за сите увезени возила кои ги исполнуваат условите.
Како се активира продолжената гаранција Toyota Relax?
а) За возила со редовна сервисна историја во Toyota Авто Центар:
- Да се закаже термин за редовно сервисно одржување на возилото
- Да се направи сервисирање и комплетна проверка на возилото согласно препораката од производителот и моменталната километража
- Доколку се утврди дека возилото нема технички проблеми, продолжената гаранција може да се активира веднаш
- Доколку се утврди одреден технички проблем, постои можност возилото да биде поправено и потоа да се активира продолжената гаранција
б) За возила кои не се купени во Македонија и немаат редовна сервисна историја во Toyota Авто Центар:
- Да се закаже термин за редовно сервисно одржување на возилото
- Да се направи сервисирање и комплетна проверка на возилото согласно препораката од производителот и моменталната километража
- Доколку се утврди дека возилото нема технички проблеми, продолжената гаранција може да се активира веднаш но истата станува валидна по изминати 1.500 километри или 30 календарски денови од датумот на направениот редовен сервис
- Доколку се утврди одреден технички проблем, постои можност возилото да биде поправено и потоа да се активира продолжената гаранција
Колкава е важноста на активираната продолжена гаранција?
Продолжената гаранција има важност од 1 календарска година или до следното периодично одржување на возилото, согласно препораките на производителот. Гаранцијата може да се продолжува при секое следно редовно одржување се до 10-тата година од старост на возилото, односно 185.000 изминати километри.
Колку чини продолжувањето на гаранцијата на возилото?
Цената за продолжување на гаранцијата изнесува 3,702 денари и истата се однесува за продолжување на гаранцијата од 1 година или до следниот редовен годишен сервис на возилото.
Кои се бенефитите од Toyota Relax?
Toyota Relax Ви овозможува да се чувствувате спокојни со Вашето возило и во годините што следат по истекот на фабричката гаранција на возилото, без да се грижите за скапите поправки и можните дефекти на возилото.
За повеќе информации во врска со Toyota Relax обратете се во овластениот Toyota сервисен центар, или јавете се на телефонскиот број 02/ 30 88 840.