x
x
 
 

Хибриднината пристигна

Пионерските чекори и успешната еволуција ја доведоа Toyota на лидерската позиција во хибридната мобилност

Кога една автомобилска групација продава повеќе од 10 милиони автомобили за само една година, се наметнува прашањето постои ли нешто што може да предизвика поголема гордост и задоволство во семејството на Toyota? Одговорот е позитивен, а решението е хибридната револуција која јапонскиот гигант ја започна пред повеќе од две децении и со која денеска со право може да се истакнува пред конкуренцијата.

Почнувајќи со пионерот Prius во 1997 година, Toyota постојано ја надградува и подобрува својата хибридна понуда, а покрај технолошкиот развој кој ги подобрува карактеристиките, економичноста и перформансите, на сцената беа исфрлени и нови модели кои дополнително го привлекоа интересот на купувачите. Класикот Prius доби поддршка во речиси секој сегмент, па Toyota им овозможува поеколошки избор и хибридна технологија на возачите започнувајќи од малиот Yaris, па сè до SUV гордоста RAV4, чија хибридна изведба стекна сериозна популарност на европските пазари, вклучувајќи го и македонскиот.

И додека Toyota ја ситни 21-та година од својата хибридна офанзива, бројките велат дека досега се продадени речиси 11,5 милиони хибриди со логото на јапонскиот бренд, а само во 2017 година се продадени над 1,5 милион хибридни изведби. Тоа е уште еден доказ за трендот кој навестува уште поголем пазарен удел на хибридите, кои реално обезбедуваат наједноставен и најфункционален начин за трансфер меѓу возачите на автомобили со алтернативен погон кои се грижат и за животната средина.

Статистиката вели дека благодарение на хибридните модели на Toyota изминатите две децении, заштедени се околу 30 милијарди литри гориво, додека CO2 емисијата е помала за 85 милиони тони. Бројките импресионираат и недвосмислено наведуваат на заклучокот дека хибридите стануваат логичен избор бидејќи овозможуваат многу бенефиции на долг рок. Гаранција за ова се речиси 12 милиони задоволни купувачи.

БЕНЗИНЕЦ СО ЕТКИНСОНОВ ЦИКЛУС

Срцето на хибридниот погон е бензинскиот мотор со еткинсонов циклус. Неговата специфичност е во помалото загревање и подобрите перформанси при средни и високи вртежи, со што овозможува поголема ефикасност во однос на класичните бензинци.

БЕНЗИНСКИ МОТОР

Моќноста на класичниот бензински мотор со четири цилиндри варира во однос на моделот, но неговата задача е да обезбеди најдобри перформанси и економичност при средни и високи вртежи.

ЕЛЕКТРО МОТОР

Постојаните подобрувања и намалената тежина влијаат позитивно врз и онака благородниот карактер на овој елемент. Во градски услови, хибридните модели често се возат исклучиво со активиран електро мотор, кој овозможува бесшумно, еко-френдли и релаксирано возење.

БАТЕРИЈА

Литиум-јон и никел-метал батериите доаѓаат во помал и полесен пакет, што влијае позитивно на возните карактеристики и просторот за патниците и багажот.

КАКО ФУНКЦИОНИРА ХИБРИДНИОТ ПОГОН?

Главни актери во хибридниот погон на Toyota се бензинскиот мотор со еткинсонов циклус, електро мотор и батерија. Идеалната комуникација меѓу трите елементи вади максимум од погонот, а возачот добива релаксирано возење и посакувана економичност и перформанси во секој момент.

ХИБРИДНИОТ ПОГОН ВО ЧЕТИРИ ФАЗИ

ТРГНУВАЊЕ

Автомобилот го започнува движењето со помош на електро моторот

ВОЗЕЊЕ

Хибридниот систем ги синхронизира трите извори на енергија во секој момент

ПОГОЛЕМО ЗАБРЗУВАЊЕ

Класичниот и електро моторот работат истовремено

НАМАЛУВАЊЕ НА БРЗИНАТА

Полнење на батеријата

Тајните на хибридниот погон

Pецептот на Toyota постојано е надградуван за да испорачува што подобри резултати. Елементите на хибридниот погон се основа на дводеценискиот успех

Втората генерација на хибридниот систем на Toyota дебитираше со последното издание на легендарниот Prius, за денеска да претставува основа на она што јапонскиот бренд го промовира овој модел во над 90 земји во светот. Комбинацијата на класичен бензински мотор и електро мотор го придвижува автомобилот, нивната искористеност е диктирана од моменталните потреби, а тие истовремено ослободуваат и енергија која завршува и во батеријата. Електро моторот го придвижува хибридниот автомобил при ниски вртежи, посебно корисна опција при градско возење каде има чести застанувања и ретко има потреба од поголема брзина.

Во тие моменти не се користи класичниот мотор со внатрешно согорување, кој се активира при повисоки вртежи, со што се добиваат посакуваните перформанси и не се чувствува разлика во однос на автомобилите со класичен бензински мотор. Истовремено, хибридниот погон користи и дел од регенерираната енергија, што дополнително влијае на помалата потрошувачка на гориво, а се совпаѓа со амбициите на основниот концепт за хибридниот погон.

Главната цел на хибридите на Toyota е да избегнат користење на гориво во секоја можна ситуација, а тоа во практика значи активирање на моторот, тргнување од паркинг позицијата и дисциплинирано возење до одредена брзина само на електричен погон и без емисија на штетни гасови и бучава. При поголема брзина, двата мотора работат паралелно, но без да го ангажираат возачот, кој сепак, постојано има увид во ангажираноста на елементите на хибридната конфигурација. Возачот повторно може да влезе во „еко зоната“ со задржување на брзината на движење и без непотребно дополнително притискање на педалот за гас.

Интелигентниот хибриден погон го деактивира бензинскиот мотор во секоја можна ситуација и посебно по намалувањето на брзината, а ја регенерира и кинетичката енергија која се произведува при активирањето на сопирачките.

Адаптација на режим на возење

Хибридниот систем на Toyota ја користи напредната технологија за перфектно да се адаптира на условите, притоа комбинирајќи ги изворите на енергија на начин кој ќе обезбеди помала потрошувачка.

Основниот режим на возење подразбира најефикасно користење на енергијата од класичниот и електро моторот, но возачот има и опции. Изборот на „Eco“ режимот адаптира неколку елементи во насока на штедење енергија, „Power“ подразбира динамично возење, а тука е и „EV“ опцијата која значи возење исклучиво на електричен погон и може да се користи при паркирање и при движење со помали брзини.

Електро моторот го придвижува хибридниот автомобил при ниски вртежи, посебно корисна опција при градско возење каде има чести застанувања и ретка потреба од поголема брзина

МАГИЈАТА НА ЕЛЕКТРИЧНИОТ ПОГОН

Резервоарот во кој хибридниот погон сместува одредена количина на енергија може да биде никел-метал или литиум-јонска батерија. Претходно складираната енергија се испорачува до погонската единица, а возачот нема обврска за полнење на батеријата во ниту еден момент, што е и важна разлика во однос на останатите алтернативни погони.

БЕЗ ПРИКЛУЧОЦИ И ПОЛНЕЊА

Хибридниот погон на Toyota подразбира релаксирани моменти во секојдневното користење на моделите на јапонскиот бренд. Иако батеријата е дел од погонот, тоа исклучува било какво полнење или потреба од приклучок за електрична енергија.

ХИБРИДНА ДИСЦИПЛИНА

Совет:
Користете го педалот
за гас нежно

Тргнување:
Користење исклучиво на електро моторо

Совет:
Останете во
ЕКО зоната

Возење:
Погонот ги комбинира сите извори на енергија

Совет:
Постигнете ја саканата
брзина и одржувајте ја

Поголемо забрзување:
Класичниот и електро моторот го обезбедуваат интензитетoт

Совет:
Кочете нежно
и навремено

Запирање:
Батеријата се полни за следниот предизвик

Хибридите ја добиваат битката

Секој погон има свои позитивни страни, но хибридите имаат предност во однос на сите ривали

ДИЗЕЛОТ ЈА ГУБИ БИТКАТА

Хибридните изведби првично беа само една поеколошка и понапредна конкуренција на автомобилите со многу популарниот дизел мотор, но работите се менуваат со брзо темпо. Дизелите се под голем притисок поради емисијата на гасови која влијае негативно врз животната средина, а поради што голем број градови и држави веќе најавија воведување целосни забрани или важни ограничувања за движење на овие автомобили во урбаните средини.

Масовноста на хибридите во продажбата на Toyota овозможија тие да бидат и ценовно конкурентни, а тоа е посебно истакнато во земјите каде властите имаат пропишано поголеми бенефиции за возилата со алтернативен погон. Во споредба со дизелските изведби, хибридите се потивки, кај нив нема никакви вибрации од моторот, а парираат и во однос на трошоците за гориво, односно економичноста. На крајот, не смееме да заборавиме дека во тие очекувани 50 проценти од движењето само на електричен погон, хибридите на Toyota не испуштаат NOx (азотни оксиди) и ПМ честички.

БЕНЗИНЕЦ САМО КАКО ПОДДРШКА

Хибридниот погон во моделите на Toyota подразбира и бензински мотор. За разлика од класичните ото бензинци, јапонскиот производител употребува мотори со таканаречениот еткинсонов циклус, што овозможува придобивки во однос на перформансите поради специфичното мапирање и конфигурација на овој мотор. Бензинскиот мотор се вклучува само при повисоки вртежи и кога е потребна изразита динамика, а во случајов извлечен е максимумот при средни и високи вртежи каде еткинсоновиот циклус извлекува најефикасно и најекономично работење.

Toyota користи мотори со различна работна зафатнина, а најновата 1.8 литарска изведба има посебен напредок поради импресивната термичка ефикасност од 40 проценти. Ако се споредува хибридот со класичен бензински мотор, тогаш во прилог на изведбите на Toyota оди потрошувачката на гориво и Co2 емисијата кои се намалени најмалку за третина, како и подобрата реакција на автомобилот при забрзување поради присуството на електро моторот кој овозможува инстант максимален вртежен момент.

МЕК ХИБРИД НЕ Е ХИБРИД!

Дел од производителите во својата понуда имаат меки хибридни изведби кои никако не можат да им парираат на класичните хибриди бидејќи не поседуваат таков потенцијал. Факт е дека моторот на „Mild Hybrid“ изведбите добива одредена електрична поддршка, но тоа барем во досегашните конфигурации носеше само ограничени бенефиции за погонската единица.

Најважно од сè, мекиот хибрид не овозможува возење само на електричен погон, а не може да се натпреварува со хибридите ниту во однос на економичноста и заштитата на животната средина. Во реалноста, меките хибриди се поблиску до моделите со класичен мотор со внатрешно согорување отколку до хибридите, но во улога на асистенти барем минимално ја намалуваат потрошувачката на гориво.

ПЛАГ-ИН ЗНАЧИ ОБВРСКА

Хибридите имаат сериозна конкуренција во однос на плаг-ин хибридите, но повторно можат да се пофалат со одредени позитивни страни кои им даваат предност. Плаг-ин хибридите отвораат обврска за полнење на батеријата за да се добие посакуваната економичност, што е и дел од концептот на ваквите автомобили, а тоа истовремено значи потреба од користење на електрична енергија во домот, како и инфраструктура за евентуално полнење додека се извршуваат одредени обврски надвор од домот. Во земји како нашата каде нема соодветна инфраструктура, овој процес е речиси невозможен, додека хибридите овозможуваат автоматско полнење на батеријата и постојано користење на електричниот погон.

Самата архитектура на плаг-ин хибридниот погон бара и повеќе место, што значи кратење од просторот за патниците и капацитетот на багажникот. И последно, а не помалку важно, плаг-ин хибридите се поскапи од класичните хибриди.

ЕЛЕКТРИЧНО, А ДАЛЕЧНО

Класичните електрични автомобили уживаат се поголема популарност во глобални рамки, но реалноста вели дека сè уште се скапи и понедостапни, а истовремено се зависни од добро развиена инфраструктура. EV моделите добиваат батерии со поголема автономија, но тоа е императив бидејќи имаат само еден начин за придвижување на погонот, а полначите во овој дел од Европа cе далеку од она што условува нормално користење електричен автомобил. Психолошки ефект има и фактот што при патување на подолги делници мора да се планира следното полнење, а на повратната вредност на овие автомобили влијае и посложениот електричен погон и поголемата искористеност на батеријата која е двигател на процесите. Барем засега и цените на електричните модели се повисоки, а во македонски услови, фактот што немаат никаква штетна емисија не може да го неутрализира податокот дека има само неколку станици за полнење што е далеку од потребното ниво за безгрижно управување.

Pешени хибридни дилеми

Функционирањето на хибридите е доведено до перфекција, но секогаш ќе има прашања чии одговори вреди да се повторат

Хибридната технологија успешно се наметна како соодветно решение за истакнување и практикување на модерните вредности меѓу кои предничи заштитата на животната средина. Глобалната мисија на Toyota е успешна од повеќе аспекти, а покрај намалувањето на емисијата на гасови, има позитивен ефект и во однос на поголемата економичност на автомобилите, кои истовремено располагаат и со солидни перформанси.

Хибридните изведби на јапонскиот производител се достапни во различни сегменти, a фактот што купувачите се зголемуваат од година во година воопшто не е изненадување, посебно кога тие сè почесто имаат желба и одвојуваат време за да ги дознаат предностите на хибридните автомобили и придобивките кои потоа ќе ги добијат на долг рок. Продажните салони на Toyota се одлична можност да добиете одговор на некоја дилема која не успеавме да ви ја решиме во ова специјално издание, а посебно и со одговорите на најчесто поставуваните прашања одговорени на овие страници.

Со оглед на фактот што батеријата игра многу важна улога за функционирањето на хибридниот погон, Toyota постојано работи на нивно подобрување. Тоа подразбира и поголем капацитет со помала тежина која нема да влијае на возните карактеристики, но исто така големо внимание се посветува и на издржливоста или долговечноста на батериите кои се вградени во сите хибридни модели на јапонскиот производител. Досега се продадени над 11,5 милиони хибриди во целиот свет и искуството покажува дека купувачите немаат проблеми со батериите кои се проектирани да траат колку и автомобилот. Toyota овозможува и 10-годишна бесплатна грижа за батеријата, па единствена обврска на купувачот е да ги почитува сервисните интервали, при што експертите на Toyota детално ќе ја следат и состојбата на хибридниот погон и конкретно батеријата.
Хибридната технологија овозможува управување со автомобилот исклучиво на електричен погон, а тоа трае многу повеќе од 2 километри. Со оглед на фактот што батеријата постојано се полни преку работата на двата мотори, таа овозможува многу почесто да се вози без потреба од активирање на бензинскиот мотор и користење на гориво. Статистиката покажува дека најголем број возачи се движат пред сè во урбани средини и на пократки делници, а тоа е територија на која настапува електричниот погон со своите поволности за возачот и животната средина. Истражувањата на Toyota покажуваат дека при возењето хибрид, во дури 50 проценти од времето не се користат услугите на бензинскиот мотор.
Не само што хибридните автомобили имаат многу предности во однос на конвенционалната конкуренција, туку тие и не заостануваат во однос на возните карактеристики и агилноста и на автопат. Хибридите се однесуваат неверојатно економично кога се вози со повисока, но рамномерна брзина, а чувството зад воланот ја покажува рафинираноста на погонот и балансираноста на подвозјето.
Знаеме дека забавното возење се смета за важен елемент кај модерните автомобили, а тој е присутен и кај хибридните модели на Toyota. Без разлика што перформансите не се нивeн основен приоритет, возачот ќе ужива во неутрализираната бучава кога ќе го користи исклучиво електро моторот, а хибридниот погон ќе се потруди да биде импресиониран секогаш кога ќе му биде потребна посериозна динамика на пат. Инстант реакцијата на електро моторот, на кој максималниот вртежен момент му е достапен во секој момент, ќе ги задоволи потребите и на најпребирливите, а целосната реакција на автомобилот е поуспешна и поради придобивките од автоматската трансмисија.
Одговорот е негативен. Хибридните автомобили овозможуваат возење со користење само на електро моторот и без активирање на бензинскиот мотор, но не се развивани и наменети да се возат без гориво. Ако го продолжите возењето откако автомобилот останал без гориво, може да се направат сериозни оштетувања на хибридниот погон.
Сериозните продажни бројки и напредокот на технологијата овозможија хибридите да станат достапни за купувачите и во земји како Македонија. Нивните цени се на рангот на дизелските изведби, а истовремено се добива поекономичен, поеколошки, а често и поопремен автомобил. И она што е најважно, купувачот на хибридна изведба има помали трошоци за одржување и подолго користење на потрошните делови кои мора да се менуваат.
Хибридите на Toyota се подготвени за овој предизвик, а секој модел има различен капацитет
Трошоците се дури и помали, а системот за сопирање е еден од оние кои се помалку оптеретени, поради фактот што дел од овој процес го врши електро моторот.
Разликата е голема, бидејќи не само што електричните автомобили се поскапи, туку и за целосно полнење на батеријате се потребни околу 8 часови. Кај хибридот, батеријатa се полни автоматски.
Toyota Motor Corporation досега има продадено 11,5 милиони хибриди, а од моделите на Тоyota, во Европа најпродаван е Auris, додека зад него се Yaris и Prius.