toyota-facebook

Toyota ќе претстави уред за домашно полнење на
Plug-in и електричните возила

 

Toyota Motor Corporation ( TMC)  во соработка со Toyota Media Service Corporation, нејзината компанија за IT подршка, создаде уред за полесно домашно полнење на Prius Plug-in хибридното возило , кое ќе биде претставено следната година, како и електричните возила (EV). Toyota Housing Corporation, подружницата на TMC за изградба на живеалишта, во Јануари 2012 година ќе почне со продажба на овој уред, именуван како H2V Manager (Home to Vehicle).

h2v-manager.jpg

Возачите на PHV и EV возилата ќе можат да се приклучат (со кабел или безжично) на H2V Manager преку својот домашен компјутер, телевизор или паметен телефон, со што на едоставен начин би го приспособиле времето на полнење на нивното PHV или EV возило. Освен тоа со помош на овој уред ќе можат да ја проверат потрошувачката на електрична енергија во нивниот дом.

H2V Manager автоматски го прекинува полнењето на возилото кога потребата за електрична енергија во домаќинството е зголемена и продолжува со полнењето кога ќе се воспостави адекватрен напон. На овој начин се спречува прекинот на довод на електрична енергија кога голем број на домаќински апарати се користат во исто време.

Toyota Housing Corporation планира да го пушти во продажба асортиманот на домашните полначи за PHV и EV возила, кој се состои од стандарден полнач и ѕиден полнач . H2V Manager е компатибилен со сите полначи и има препорачана малопродажна цена од 52.298 јени . Очекувана почетна цена на H2V Manager уредот со полнач е 157.500 јени ( приближно 1.500 ЕУР).

H2V Manager ќе биде прикажан на штандот на Toyota на овогодинешниот саем за автомобили во Токио кој ќе се одржи од 30-ти Ноември до 3-ти Декември во Токио.

 

Актуелно