TOYOTA е број еден според Global Green Brands Report

TOYOTA е број еден според "Global Green Brands Report"

TOYOTA е убедливо најзелениот бренд во листата на “најзелени брендови" ,извештај објавен од страна Interbrand, бренд консалтинг агенција која информацијата ја објави на 26 јули, 2011. Студијата ги зема во предвид јавно достапните информации за придонесот на брендот кон животната средина заедно со перцепцијата на јавноста за брендот во придонесот за заштита на животната средина .
Во извештајот Interbrand посочува дека TOYOTA е водечки пример за поставување на важноста на заштитата на животната средина како една од главните приоритети во корпорацијата .

Континуирана заложба на TOYOTA кон животната средина беше истакната уште во Глобалната визија за брендот, објавена во март 2011 година, каде јасно беше искажана заложбата за намалување на емисијата на CO2 во текот на производните и продажните процеси на возилата . Компанијата исто така се стреми за зачувување на природните ресурси преку рециклирање на отпадните материи, а воедно и да ги извршува сите свои активности во хармонија со природата.

Клучен фактор за “зелените перформанси” на TOYOTA, според извештајот, е хибридната технологија. Од своето лансирање во 1997 година, иконата Prius - сега во третата генерација - придонесе за вкупната продажба на 3,2 милиони TOYOTA и Lexus хибридни возила во светот, нудејќи им на клиентите од целиот свет возила со исклучителни еколошки перформанси.

Во 2010 година TOYOTA ја претстави својота иновативна целосна хибридна технологија на компактната TOYOTA AURIS, создадена во фабриката во Велика Британија. Семејството Prius наскоро ќе се прошири со уште еден член , Prius+, модел со 7 седишта ,а следната голема пресвртница на Тојота, над 40 години потрага за одржлива мобилност и ултимативен еко автомобил, е Prius plug-in хибрид кој ќе биде претставен во 2012 година.

На долг рок, TOYOTA работи на неколку проекти за заштита на животната средина имплементирани во своите објекти во Европа. Меѓу нив се: соларниот ѕид во фабриката во Валенсија, Франција, соларните панели во фабриката во Велика Британија, како и планот за поставување на две турбини на ветер во центарот за логистика во Белгија.

Методологијата за мерење на “најзелениот бренд” e развиена од страна на Interbrand во соработка со Deloitte. За составување на извештајот, Interbrand, исто така, разговараше околу 10.000 потрошувачи во 10 од најголемите пазари во светот (вклучувајќи ги и САД, Јапонија, Кина, Германија, Франција, Велика Британија, Италија, Бразил, Шпанија и Индија) за да се измерат потрошувачите перцепции на брендот за неговите “зелени перформанси”.

TOYOTA е број еден според "Global Green Brands Report"

Актуелно