Два милони Јарис возила произведени во фабриката во Франција

Два милони Јарис возила произведени во фабриката во Франција.

Два милионитиот Јарис кој минатата недела беше произведен во фабриката во Франција беше 1.4 D4-D литарскиот модел со 5 врати во Burning Red боја на каросерија. Сопственик на возилото е купувач од Франција на кој возилото ќе му биде испорачано во наредните неколку дена.

Производството на Јарис во фабриката во Валенсија започна во Јануари 2001 година со годишно производство од 150.000 возила, достигнувајќи го својот максимум од 262.000 возила во 2007 година. За достигнување на оваа бројка во фабриката беше воведена и трета смена се со цел да се задоволи побарувачката за возилото на пазарот.

Повикувајќи се на успешната приказна за Јарис во Европа како најпродаван модел на Тојота и коинцидирајќи со скорешното лансирање на третата генерација на Јарис, Тојота ќе го врати работењето во три смени во Јануари 2012. Работната сила исто така ќе биде зајакната со дополнителни 800 работници, со што бројот на вкупно вработените во оваа фабрика ќе достигне 4300.

Претседателот на Тојота Франција, Макото Сано во врска со ова рече: “Овој важен момент беше постигнат благодарение на посветеноста и напорното работење на сите вработени во оваа фабрика. Со пристигнувањето на новиот Јарис, фабриката влегува во една нова динамична ера.”

Етаблираниот висок квалитет , издражливост и сигурност на Јарис, кои вообичаено високо се рангираат во истражувањата за задоволство на купувачите во Европа, се уште повеќе зајакнати кај новата генерација. Инжинери од фабриката во Франција беа вклучени во развојниот процес на новиот Јарис 18 месеци порано отколку кај било кој друг претходен модел. Исто така, добавувачите на делови беа директно вклучени производниот процес се со цел да се постигне квалитет на највисоко можно ниво.

Новиот Јарис и понатаму продолжува да ја одржува традицијата на безбеден автомобил и овојпат освојувајќи ги максималните 5 ѕвезди на Euro NCAP тестот за безбедност. Првата генерација на Јарис се здоби со признанието најбезбеден во супер мини класата во 2000 година, призание доделено од страна на Euro NCAP. И втората генерација исто така успеа да ги освои 5-те ѕвезди за безбедност во 2005 година.

Производството на новиот Тојота Јарис Хибрид ќе започне следната година во истата оваа фабрика.

Два милони Јарис возила произведени во фабриката во Франција.

Актуелно